Хоразм вилояти Янгиариқ тумани қишлоқ хўжалиги бўлимининг масъул ходими давлатга тегишли 29 гектар ер майдонини чорвачилик учун 49 йилга ижарага бериш ва бу жараёнда кадастр ҳужжатларини расмийлаштириб бериш эвазига фуқародан 4000 АҚШ доллари талаб қилган.
Давлат хавфсизлик хизмати ҳамда Иқтисодий жиноятларга қарши курашиш департаменти ҳамкорлигида ўтказилган тезкор тадбирда у 3900 АҚШ доллари ва 1 миллион 297 минг сўмни олган пайтда ашёвий далиллар билан қўлга олинди.
Ҳозирда унга нисбатан Жиноят кодексининг 168-моддаси 2-қисми “а” банди ҳамда 28, 211-моддаси 1-қисми асосида жиноят иши қўзғатилиб, тергов ҳаракатлари олиб борилмоқда.
