Жиззах вилоятининг Зомин туманида кузатилган сел келиши билан боғлиқ ҳолат юзасидан Жиззах вилояти ФВБ Ахборот хизмати расмий муносабат берди.
Қайд этилишича, 2025 йил 12 июн куни Жиззах вилояти Зомин туманида кучли ёмғир ёғиши натижасида “Ширин” МФЙ (Ёйилма қишлоғи), “Ниҳол” МФЙ, “Тараққиёт” МФЙ (Ҳулқар қишлоғи) ва Туркман қишлоқларида сел оқимлари кузатилди.
Сел сувлари айрим йўлларга тош ва шағал олиб тушган. Фавқулодда вазиятлар хизмати томонидан техника ва ходимлар жалб қилиниб, йўллар тезда тозаланди ва ҳаракат тикланди.
Аҳоли уйлари, ижтимоий объектлар ва мол-мулкка зарар етмаган.
Ҳозирда 10 та махсус техника ва 38 нафар ходим сел оқибатларини бартараф этиш ишларини давом эттирмоқда