АҚШ Давлат департаменти томонидан дипломатик каналлар орқали тарқатилган ички хабарга кўра, Вашингтон фуқаролари хавотир уйғотган яна 36 мамлакатга нисбатан иммиграцион чекловларни жорий этишни кўриб чиқмоқда. Бу ҳақда “Reuters” агентлиги давлат котиби Марко Рубио имзоси билан тарқатилган ҳужжатга таяниб хабар берди.
Чекловлар 60 кун ичида кучга кириши мумкин — агар ушбу давлатлар АҚШ хавфсизликка оид хавотирларини бартараф этишда етарли чора кўрмаса.
Давлат департаменти баёнотига кўра, баъзи мамлакатлар фуқаролари АҚШда террористик ҳаракатларда ёки антисемит ва антиамерикан фаолиятда иштирок этган.
Айрим давлатлар ўз фуқароларини АҚШдан чиқариб юборишга кўмаклашмаган.
Баъзиларида эса ишончли шахсни тасдиқловчи ҳужжатларни бериш бўйича ҳукумат йўқ ёки етарли даражада ҳамкорлик қилмаяпти.
Шунингдек, айрим давлатларнинг биометрик хавфсизлик талабларига жавоб бермайдиган паспортлари ҳам АҚШнинг хавотирига сабаб бўлмоқда.
Рўйхатга киритилган 36 мамлакат орасида: Миср, Гана, Камерун, Эфиопия, Қирғизистон, Сурия, Нигерия, Угандо ва бошқалар бор.
Эслатиб ўтамиз, АҚШ илгари ҳам Афғонистон, Эрон, Сомали, Судан ва Яман каби 12 давлат фуқароларига нисбатан кириш чекловларини кучга киритган эди.
