АҚШ президенти Дональд Трамп Эрон Олий раҳнамоси Оятуллоҳ Али Хоманаийга қарши мўлжалланган Исроил режасига рад жавобини бергани ҳақида кеча, 15 июнь куни “Reuters” икки юқори мартабали АҚШ расмийсига таяниб хабар берди.
Маълумотларга кўра, Трамп маъмурияти: “Эрон ҳозирча бирор америкаликни ўлдирмаган экан, биз сиёсий раҳбариятни нишонга олиш масаласини муҳокама қилмаймиз”, деган позицияда қолган.
Мазкур хабар фонида Исроил Миллий хавфсизлик кенгаши раҳбари Тзахи Ханегби “Reuters”нинг ушбу эълонини “сохта янгилик” деб атади.
Шунингдек, “The Wall Street Journal”манбасига кўра, Исроил расмийларидан бири “Али Хоманаий ҳужумдан суғурталанмаган”, деб билдирган.
Эслатиб ўтамиз, сўнгги ҳафталарда Теҳрон ва Тел-Авив ўртасидаги кескинлик ядро объектлари ва дрон ҳужумлари сабабли юксалган эди.
