Бугун, 17 июнь куни Президент Шавкат Мирзиёев Қозоғистон етакчиси Қасим-Жомарт Тоқаевнинг таклифига биноан Қозоғистонга жўнаб кетди. Бу ҳақда давлат раҳбарининг матбуот хизмати маълум қилди.
Қайд этилишича, Қозоғистон президенти Ўзбекистон етакчисини "Марказий Osiyo - Хитой" иккинчи саммитида иштирок этиш учун Остона шаҳрига чақирган.
“Бўлажак тадбирда кўп томонлама ҳамкорликни янада ривожлантиришга доир, шунингдек, минтақавий ва халқаро аҳамиятга молик долзарб масалалар кўриб чиқилади”, — дейилади хабарда.
Шунингдек, Шавкат Мирзиёев Қозоғистонга ташрифи доирасида Хитой Раиси билан ҳам музокара ўтказади.
