Канада бош вазири Марк Карни “G7” саммитида Владимир Зеленский билан учрашувда Украинага 1,5 миллиард долларлик янги ҳарбий ёрдам пакетини ажратишини айтди. Бу ҳақда “DW” нашри ёзмоқда.
Қайд этилишича, ёрдам пакетининг ичида ҳарбий дронлар, ўқ-дорилар ва зирҳли техникаларни ўз ичига олган.
Шунингдек, у Киевга инфратузилмаларини тиклаш учун 2,3 миллиард долларлик янги кредит ваъда қилган.
Карни Москвага санкцияларни четлаб ўтишга ёрдам бераётган 77 жисмоний ва 39 юридик шахсга, шунингдек, Россия "яширин флоти"нинг 200 та кемасига қарши санкциялар эълон қилган.
“G7” саммити олдидан Зеленский у ерда Дональд Трамп билан АҚШдан қурол сотиб олишни ҳам муҳокама қилишни режалаштираётганини айтганди.
Бироқ у Канададан Вашингтонга барвақт қайтган, шунинг учун Зеленский уни топа олмаган.
