Доналд Трамп Гаагадаги НАТО саммитига жўнаб кетишдан олдин журналистлар билан суҳбатда Исроил ҳам, Эрон ҳам ўт очишни тўхтатиш шартларини бир неча соат олдин бузганини маълум қилди."Айниқса Исроил", – деган Трамп. Бу ҳақда Resuters хабар берди.
Трампнинг айтишича, Исроил сулҳга эришилгандан сўнг ҳам Эронга ҳарбий ҳужумни давом эттирган.
"Исроил, бомбаларни ташламанг. Агар ташласангиз, бу катта қоидабузарлик бўлади. Ҳозироқ учувчиларингизни уйларига қайтаринг", - деб ёзди Трамп Social Truth ижтимоий тармоғидаги саҳифасида.
АҚШ раҳбари, ўз навбатида, Эроннинг ядровий салоҳияти йўқ қилинганини қўшимча қилган.
