Эквадорлик машҳур “наркобарон”, “Лос Чонерос” жиноий гуруҳининг етакчиси Хосе Масияс Вилямар (тахаллуси – “Фито”) полиция қўлига тасодифан тушди. Бунга сабаб эса… унинг уч ёшли қизи бўлди. Маҳаллий “El Mercurio” нашрининг ёзишича, қизча тасодифан отасининг қаерда яширинаётганини айтиб қўйган: гап ер остидаги бункер ҳақида бормоқда.
Махсус ҳарбий ва полиция бўлинмалари дарҳол ҳаракатга ўтиб, қирғоқ бўйидаги Манта шаҳрида катта амалиёт ўтказди. Натижада, 17 ойдан буён қидирувда бўлган жиноят етакчиси қўлга олинди. Энди 45 ёшли Фито АҚШга экстрадиция қилиниши мумкин – унга наркотиклар ва қурол билан боғлиқ жиноятлар бўйича айбловлар қўйилган.
Маълумот учун, Фито 2011 йилдан буён қатъий назорат остидаги қамоқхонада 34 йиллик жазо муддатини ўтаётган эди. Бироқ 2024 йил январь ойида унга қочишга муваффақ бўлди. Бу ҳолат Эквадорда тартибсизликларга сабаб бўлиб, фавқулодда ҳолат эълон қилинди ва ҳукумат армияни бандаларга қарши сафарбар қилди.
