Тупроққалъа тумани Фавқулодда вазиятлар бўлими ходими Хазорасп туманида яшовчи фуқаронинг ишончига кириб, мансабдор танишлари орқали уни Хоразм вилояти ФВБга ишга киритиб қўйиш эвазига 1500 АҚШ доллари талаб қилади.
ДХХнинг Хоразм вилояти бўйича бошқармаси ҳамда ИЖҚК Департаменти ҳамкорлигида ўтказилган тезкор тадбирда у олдиндан 400 АҚШ доллари ва 1 млн 300 минг сўм олган вақтида ашёвий далиллар билан ушланди.
Шовот тумани ФВБ ходими ҳам фуқарога ички ишлар органларидаги танишлари орқали ҳайдовчилик гувоҳномаси олиб беришини айтиб, эвазига 1400 АҚШ доллари ва 1 млн 300 минг сўм олган вақтида қўлга олинди.
Ҳозирда мазкур фавқулодда вазиятлар қутқарувчиларига нисбатан ЖКнинг 168, 211-моддалари билан жиноят ишлари қўзғатилиб, тергов ҳаракатлари олиб борилмоқда.
