Бу ҳақда вилоят ИИБ хабар бермоқда.
Қайд этилишича, Андижон шаҳрида яшовчи 1981 йилда туғилган У.А. ўз атрофига 12 нафар шахсларни йиғиб, жамоат тузган. Жамоат аъзолари шаҳардаги турли чойхоналарда тўпланиб, келгусида Суриядаги «Тавҳид ва жиҳод катибаси» халқаро террорчилик ташкилотига қўшилишни ният қилган. Шунингдек, улар ўзаро «Байтулмол» кўринишида пул маблағлари йиғиб, ўз тарафдорларига бериб келгани маълум бўлди.
Жамоат аъзоларининг хонадонларида ўтказилган тинтув тергов ҳаракатлари давомида турли диний экстремистик адабиётлар ва бошқа ашёвий далиллар олинди.
Мазкур ҳолат юзасидан Жиноят кодексининг тегишли моддалари билан жиноят иши қўзғатилиб, ҳозирда тергов ҳаракатлари олиб борилмоқда.
