Исроил ва Эрон ўртасидаги ҳаво уруши жума куни иккинчи ҳафтасига кирди. Бу орада Европа Иттифоқи расмийлари Теҳронни музокараларга қайтаришга ҳаракат қилмоқда. АҚШ эса ҳали қатъий позициясини билдиргани йўқ.
Исроил ўтган ҳафтада ҳужумларни бошлаганини эълон қилиб, бу ҳаракатни Эроннинг ядровий қурол ишлаб чиқишига қарши чоралар деб атаган. Бунга жавобан, Эрон Исроил ҳудудларига баллистик ракеталар ва дронлар ёрдамида зарба берган.
Теҳрон ядровий дастури тинч мақсадларда эканини таъкидламоқда.
АҚШ президенти Доналд Трамп эса, АҚШнинг эҳтимолий аралашуви юзасидан якуний қарор икки ҳафта ичида эълон қилинишини билдирган.
Эслатиб ўтамиз, Исроил ва Эрон ўртасидаги рақобат ва кескинлик сўнгги йилларда ҳаддан ташқари кучайиб, 2024 йилнинг ёзида тўғридан-тўғри ҳарбий тўқнашув босқичига етиб келди.
