Ижтимоий тармоқларда Lacetti ҳайдовчиси рулда ухлаб қолиши оқибатида темир тўсиққа бориб урилгани акс этган видео тарқалди.
Вилоят Йўл ҳаракати хавфсизлиги бошқармасининг маълум қилишича, ҳолат жорий йилнинг 19 июнь куни тонгги соат 5:40 ларда Сирдарё вилояти Оқолтин тумани ҳудудидан ўтувчи халқаро аҳамиятдаги А-373 автомобиль йўлининг 116-километрида содир бўлган.
Lacetti русумли транспорт воситаси ҳайдовчиси руль бошқарувини йўқотиши оқибатида йўлни иккига ажратиб турувчи темир тўсиққа бориб тўқнашган.
Оқибатда ушбу йўналиш бўйлаб ҳаракатланиб кетаётган Yutong русумли транспорт воситаси Lacetti'га бориб тўқнашган.
ЙТҲ оқибатида Lacetti'да йўловчи сифатида кетаётган 1 нафар йўловчи тан жароҳатлар олиб, туман тиббиёт бирлашмасига етказилган. Ҳолат юзасидан суриштирув ҳаракатлари олиб борилмоқда.
