Самарқандда 16 ёшли қиз бурун операцияси вақтида вафот этди. Бу ҳақда “Миллар” дастурида маълум қилинди.
Билдирилишича, хорижда яшаб, таҳсил олаётган қиз ёзги таътилда бувисиникига келган. У нафас олишда қийналаётгани учун 1 июль куни бувиси билан Самарқанд вилояти марказий шифохонасига борган.
Шифокорлар унга жарроҳлик амалиёти ўтказилиши кераклигини айтган. Операциядан кейин беморнинг саломатлиги ёмонлашган ва у вафот этган.
“Бу вақтда қизнинг ота-онаси чет элда бўлган. Қизнинг бувиси унинг ўлимида шифокорларни айбламоқда.Вилоят прокуратураси томонидан суд-тиббий экспертиза тайинланди. Ҳозирда терговга қадар текширув ҳаракатлари олиб борилмоқда”, — дейилади хабарда.
Маълумот учун, 2025 йилнинг апрелида Фарғонадаги хусусий клиникага бурун операцияси учун борган 33 ёшли департамент ходими вафот этган эди.
2023 йилда 27 ёшли вайнер Фарҳод Маннопов ҳам бурун операциясидан сўнг вафот этган.
