Ҳолат бўйича Тошкент шаҳар фавқулодда вазиятлар бошқармаси маълумот берди.
Қайд этилишича, шу йилнинг 11 июль куни соат 18:06 да Тошкент шаҳар Чилонзор тумани, Чилонзор 3-даҳасидаги 1-уй олдида очиқ майдонда қуруқ ўт ва дарахт шохлари ёнаётганлиги тўғрисида, Тошкент шаҳар ФВБга хабар тушган.
Келиб тушган хабарга асосан, ёнғин-қутқарув техникалари айтилган манзилга соат 18:13 да етиб борган ва ёнғин соат 18:23 батамом ўчирилган.
Маълумотларга кўра, ёнғин оқибатида очиқ майдонда қуруқ ўт, дарахт тўсинлари, шохлари ёнган ҳамда “Laсetti” ва “Spark” автотранспорт воситаларининг ён кузов қисми иссиқлик таъсирида куйган.
Ёнғин оқибатида жабрланганлар йўқ.
