НАТО Россиядан ҳарбий таҳдид бўлган тақдирда Қалининград вилоятини тезкор равишда йўқ қилишга қодир эканини маълум қилди. Бу ҳақда АҚШнинг Европа ва Африкадаги қуруқлик қўшинлари қўмондони генерал-лейтенант Кристофер Донаху Defence News нашрига берган интервьюсида баён этди.
Унинг таъкидлашича, Литва ва Полша ўртасида жойлашган ушбу ҳудуд альянс учун устувор стратегик нуқта ҳисобланади. “Бу шунчаки ҳарбий мақсад эмас, у энг қисқа вақт ичида йўқ қилиниши мумкин бўлган нишондир. НАТО кучлари уни тарихдаги ҳар қандай даврдан кўра тезроқ ер юзидан йўқ қила олади”, — дейди генерал Донаху.
АҚШ генералининг ушбу баёноти Москва ва НАТО ўртасидаги кескинлик янада кучайиши мумкинлигидан далолат беради. Айниқса, Украинадаги уруш фонида бундай стратегик таҳдидлар икки томонлама муносабатларга қўшимча босим ўтказиши кутилмоқда.
Қалининград вилояти Россиянинг Европа марказидаги эксклави бўлиб, бу ҳудудда Россия армиясининг замонавий қурол-яроғлари, жумладан, ядро салоҳиятига эга ракета тизимлари жойлашгани маълум.
