Президент фармонига кўра, 2027 йил 1 январдан бошлаб Ғазначилик хизмати қўмитаси ва Пенсия жамғармасининг туман (шаҳар) бўлимлари тугатилади, улар ўрнида 1–3 нафар ходимдан иборат ихчам хизмат кўрсатиш офислари ташкил этилади.
Шунингдек, фармонда таъкидланишича, сўнгги икки йилда мазкур икки ташкилотнинг штат бирликлари 1 940 тага (45 фоизга) қисқартирилган. Келгуси йилда эса ходимлар сонини яна тўрт баробаргача камайтириш режалаштирилган.
Фармонга асосан, 2026 йил 1 июлдан мамлакатда “Рақамли ғазна” тизими жорий этилади. У орқали:
маълумотлар сунъий интеллект ёрдамида таҳлил қилинади,
қисқа ва узоқ муддатли прогнозлар ишлаб чиқилади,
инсон омилининг таъсири камайтиради.
Шунингдек, чет эл валютасидаги операциялар SWIFT тизимига уланган ҳолда амалга оширилади. Давлат харидлари ва молиявий операциялардаги хавфлар “E-risk” дастури ёрдамида аниқланиб, автоматик огоҳлантириш ва хабардор қилиш механизмлари ишлайди.
Пенсия тизимида эса 2026 йил 1 декабрдан фуқароларнинг иш стажи ва маоши тўғрисидаги электрон маълумотлар асосида пенсия миқдорини олдиндан кўриш имконини берувчи “Менинг пенсиям” онлайн хизмати ишга туширилади. Барча пенсия хизматлари проактив, электрон ва интерактив шаклга ўтказилади:
фуқароларнинг иш стажи ва иш ҳақи ҳақидаги электрон маълумотларга асосланган пенсия миқдорини дастлабки ҳисоблаш имконини берувчи “Менинг пенсиям” онлайн хизмати жорий этилади;
барча пенсия хизматлари проактив, электрон ва интерактив форматларга ўтказилади.
Шунингдек, 2025 йил 1 октябргача пенсия тўловларидан ушлаб қолишлар амалга оширилишидан аввал фуқароларни олдиндан хабардор қилиш тизими жорий этилади.
