Трамп Обама ҳибсга олиниши мумкинлигига ишора қилди. Бу ҳақда The Times of India хабар берди.
Дональд Трамп Truth Social ижтимоий тармоғидаги саҳифасида Қўшма Штатларнинг собиқ президенти Барак Обаманинг Оқ уйда ҳибсга олиниши тасвирланган сунъий интеллект ёрдамида яратилган видеони эълон қилди. Ушбу видеода "Ҳеч ким қонундан устун эмас", деган ёзувни кўриш мумкин.
Ўтган ҳафтада АҚШ Миллий разведкаси ҳисобот тақдим этди. Унга кўра, Обама маъмурияти 2016 йилги президентлик сайловларидан аввал ҳам, кейин ҳам Россия киберҳужумлар орқали сайлов натижаларига таъсир ўтказмаганини билган, аммо бу маълумотни яширган ва “сайловга Россиянинг аралашуви” мавзусини Трампни обрўсизлантириш учун ишлатган.
