Тошкент вилоятида 1,8 млрд сўмлик электр энергияси талон-торож қилинди. Бу ҳақда Электр энергияси, нефть маҳсулотлари ва газдан фойдаланишни назорат қилиш инспекциясининг ахборот хизмати маълум қилди.
Қайд этилишича, Оҳангарон туманида "Э. B. B." фермер хўжалига қарашли электр қурилмаларни ўзбошимчалик билан тармоққа улаб, электр энергиясидан ноқонуний фойдаланганлиги аниқланган.
“Ушбу қоидабузарлик натижасида дастлабки ҳисоб-китобларга кўра электр таъминоти корхонасига 1 миллиард 892 миллион сўмлик зарар етказилганлиги маълум бўлди”,— дейилади хабарда.
Ҳозирда ҳуқуқни муҳофаза қилиш органлари томонидан терговга қадар текширув ишлари олиб борилмоқда.
