АҚШ ва Европа Иттифоқи узоқ давом этган музокаралардан сўнг янги савдо битимига эришди. Доналmд Трамп ва Урсула фон дер Леен Шотландиядаги Турнберри гольф курортида ўтган учрашувда АҚШнинг Европа маҳсулотларига 15 фоиз миқдорида бож жорий этишини келишиб олди.
Бу Трамп таҳдид қилган 30 фоиз импорт божи ўрнига қўлланилади. Айрим маҳсулотларга, жумладан, самолёт қисмлари, кимёвий модда ва қишлоқ хўжалиги маҳсулотларига бож ундирилмайди.
Битим доирасида Европа АҚШ энергетикасига 750 миллиард доллар сармоя киритиши, шунингдек, Америка ҳарбий техникаларига 600 миллиард доллар ажратиши режалаштирилган.
Бу Европа энергетика мустақиллигини кучайтиришга хизмат қилиши айтилмоқда. Трамп ушбу келишувни "барчага фойдали" деб атади, Урсула фон дер эса уни "муваффақиятли дипломатик ютуқ" дея таъкидлади.
