Тошкент вилоятида аёлини ва қайнонасини пичоқлаб ўлдирган эркак 22 йилга қамалди. Судланувчи жиноятга аёлининг хиёнатидан сўнг қўл урганини айтди.
Жорий йил 19 март куни Чиноз туманида рўй берган даҳшатли қотиллик бўйича суд ҳукми эълон қилинди. Маълум бўлишича, куйов қайнонасининг уйида ичкуёв сифатида яшаб келган.
У аёли ва қайнонасини пичоқ синиб кетгунга қадар жароҳатлаган. Суд жиноятчини Жиноят кодексининг 97-моддаси 2-қисмининг “а, ж, о, р” бандлари бўйича айбли деб топиб, 22 йилга озодликдан маҳрум этди.
