АҚШнинг Теннесси штатида Линда Арчерд исмли аёл томонидан ЭКО орқали яратилган ва 30 йил музлатилган эмбриондан бола дунёга келди . Бу ҳақда “MIT Technology Review” нашри хабар берди.
Билдирилишича, Чақалоқнинг биологик эмбриони 1990 йилларда яратилган. Аёл ўша пайтда олти йил давомида ҳомиладор бўла олмаган. Шифокорлар тўртта эмбрион яратишган, улардан бири Линда бачадонига кўчирилган. Олти ойдан сўнг аёл соғлом қиз фарзандни дунёга келтирган. Қолган учта эмбрион эса музлатилган.
Дастлаб аёл эмбрионларни ўзи ишлатмоқчи бўлган, лекин кейинчалик бошқа оилаларга топширган. Аксарият клиникалар унинг эмбрионлари билан ишлашдан бош тортган, чунки улар эскирган технологиялар билан музлатилган эди.
Натижада Оҳая штатида яшовчи Пирслар оиласи уни эмбрионларидан бирини Open Hearts дастури орқали “асраб олган”. Улар 2025 йил 26 июль куни ўғил фарзандли бўлишган. У “энг кекса чақалоқ” эди.
“Бизда оғир туғуруқ бўлди, лекин ҳозир ҳаммаси яхши. У жуда тинч, бебаҳо фарзандимиз борлигига ҳали ҳам ишона олмаяпмиз,”- дейди Линдси.
Эмбрион эгаси Линда Арчерд эса ҳозирча чақалоқ билан учрашмоқчи эмаслигини билдириб, бироқ унинг дунёга келишини “ҳақиқатга айланган орзу” деб атаган.
