Эстония Мудофаа вазири Ханно Певкурга кўра, НАТО Германия-Нидерландия қўшма корпусини мамлакат ғарбидаги Пярну шаҳрида жойлаштириш имкониятини кўриб чиқмоқда.
Бу ҳудуд логистик жиҳатдан қулай: яқинида порт, темир йўл, аэродром ва автомагистраль мавжуд. Инфратузилма қурилиши учун 17 миллион евро ажратилиши режалаштирилган.
Певкур бу қадамни Эстония мудофаа салоҳияти учун “стратегик аҳамиятга эга” дея баҳолади.
Айни пайтда Литвада ҳам Германия армиясининг доимий бригадаси жойлаштирилган бўлиб, у 2027 йил охиригача тўлиқ жанговар ҳолатга келтирилади.
