Ижтимоий тармоқларда тарқалган видеода эркак Париждаги Абадий олов — Биринчи жаҳон уруши қурбонлари хотирасига бағишланган ёдгорлик олдида сигарет ёқаётгани акс этган. Бу ҳолат жамоатчиликда кескин норозиликка сабаб бўлди.
5 август куни Франция Ички ишлар вазирлиги гумонланувчи шахс қўлга олинганини ва у қилган ишини тан олганини маълум қилди. Франция ҳукумати қошидаги фахрийлар ишлари бўйича вакил Патрисия Мираллес бу ҳаракатни “Франция хотирасига қилинадиган таҳқир” деб баҳолади.
Le Figaro нашрининг ёзишича, видеони Латвиялик сайёҳ ТикТокъга жойлаган. Унинг айтишича, эркак ҳушёр бўлган ва қилаётган ишидан фахрлангандек кўринган. Ҳолат юзасидан тергов ишлари олиб борилмоқда.
