Россия президенти Владимир Путин АҚШ президенти Дональд Трамп билан учрашиши учун аввал Украина етакчиси Володимир Зеленский билан музокара олиб бориши лозим. Бу ҳақда DW ёзмоқда.
Нашрда келтирилишича, бу талаб Трамп ва Путин ўртасида бўлиши мумкин бўлган учрашув учун муҳим шарт сифатида кўрилмоқда.
Шу билан бирга, Оқ уйдаги манба Россия президенти ёрдамчиси Юрий Ушаковнинг "учрашув жойи аллақачон келишилган" деган баёнотини рад этди.
Путин эса бу борада ОАВга берган баёнотида, Трамп билан эҳтимолий учрашув Бирлашган Араб Амирликларида бўлиши мумкинлигини айтган, бироқ Зеленский билан музокарага ҳозирча тайёр эмаслигини билдирган.
Путиннинг айтишича, Киев билан музокара учун “маълум шартлар” керак, бироқ ҳозирча бу шартларнинг бажарилишига “жуда узоқ” муддат керак.
