Gallup институти ўтказган сўров натижаларига кўра, украиналикларнинг 69 фоизи Россия билан урушни тезроқ якунлаш учун музокараларни қўллаб-қувватламоқда.
Фақатгина 24 фоиз респондент жанговар ҳаракатларни давом эттириш тарафдори бўлган. Бу рақамлар уруш бошланган илк йилига нисбатан мутлақо тескари: 2022 йилда 73 фоизи жангни давом эттиришни ёқлаган эди.
Сўров шунингдек, украиналикларнинг 68 фоиз фаол жанговар ҳаракатлар 2026 йилгача тугашига ишонмаслигини кўрсатди. Фақатгина 5 фоиз бундай сценарийни “жуда эҳтимолий” деб ҳисоблайди.
Украиналиклар АҚШга бўлган ишончини сезиларли даражада йўқотган: ҳозирда фақат 16 фоиз респондент АҚШ етакчилигини маъқуллайди (2022 йилда бу кўрсаткич 66 фоиз эди).
Бироқ кўпчилик ҳануз АҚШни можарони ҳал этишда муҳим ўйинчи деб билади. Айни пайтда Германия ҳақидаги фикрлар ижобий томонга ўзгарган — Берлин етакчилиги 63 фоиз томонидан қўллаб-қувватланмоқда (2022 йилда бу рақам 46 фоизи эди).
