Ўзбекистонда 2025 йил июль ойи якунига кўра олтин-валюта захира миқдори эълон қилинди. Бу ҳақда Ўзбекистон Республикаси Марказий банки маълумот берди.
Билдирилишича, олтин-валюта захиралари миқдори 2025 йил июль ойи якунига кўра 48,74 млрд долларни ташкил этган. Бу ўтган ойга нисбатан 0,4% га кўп бўлиб, 193,7 миллион доллар.
Йил бошидан буён мамлакатнинг олтин-валюта захиралари 7,56 миллиард долларга (18,4 фоизга) ўсди.
Маълумот учун, июнда Ўзбекистон дунё бўйича энг кўп олтин харид қилди. 2025 йил июнь ойида дунё марказий банклари жами 22 тонна олтин сотиб олган.
