NDTV телеканали полиция томонидан намойишчиларнинг қўлга олиниши ва автобусларда олиб кетилиши акс этган кадрларни эфирга узатди.
Фаоллар Ҳиндистон Олий судининг кўча итларини тутиш, стерилизация қилиш ва бошпаналарга жойлаштириш ҳақидаги қарорига қарши чиқмоқда.
Уларнинг фикрича, бу чора муаммони ҳал қилмайди, аксинча ҳукумат ҳайвонлар сонини назорат қилиш бўйича амалдаги қоидаларга қатъий риоя этиши лозим.
Олий суд 11 август куни олти–саккиз ҳафта ичида 5 минг итни тутиб, бошпанага жойлаштиришни буюрган.
Бунга шаҳарда итлар ҳужуми ҳолатларининг кўпайиши сабаб бўлган — Ню-Делида ҳар куни қарийб 2 мингта ит тишлаш ҳолати қайд этилади. Ҳозир шаҳарда тахминан 1 миллион кўча ити бор.
