Бош прокуратура ҳузуридаги Департаментнинг Жиззах вилояти бошқармаси томонидан ўтказилган тезкор тадбир чоғида қонунга хилоф равишда тамаки маҳсулотлари савдоси билан шуғулланиб келган, аввал судланган Д.Т. ушланган.
У хорижда ишлаб чиқарилган, умумий баҳоси 228 миллион сўмга тенг бўлган 6 000 қути акциз маркасиз “Esse change” сигареталарини “Cobalt” автомашинасида Жиззах шаҳрига сотиш мақсадида олиб келган.
Ҳодиса юзасидан Жиноят кодексининг 186-1-моддасига асосан жиноят иши қўзғатилиб, тергов ҳаракатлари олиб борилмоқда.
