50 дан ортиқ украин ёзувчиси ва санъаткорлари, бир гуруҳ британ депутатлари ҳамда Янги Зеландия собиқ бош вазири Лондон Қироллик Опера ва Балет театрини россиялик сопрано Анна Нетребкони янги мавсумдан чиқариб ташлашга чақирди.
Хат муаллифлари уни “уруш жиноятларида айбланаётган режимнинг маданий тарғиботи рамзи” деб атади. Улар Нетребконинг Ғарбий саҳналарда чиқиши, айниқса Россия Украинага ҳужумларни кучайтирган бир вақтда, “тарихнинг нотўғри томонида туриш” эканини таъкидлади.
Нетребко 2014 йилда Донетск опера театрига ёрдам кўрсатган ва “Новороссия” сепаратист байроғи билан суратга тушган. У 2022 йилда урушни қораловчи баёнот берган бўлса-да, Путинни очиқ танқид қилмаган.
