Наманган вилоятида бир гуруҳ ноқоқнуний йўл билан даромад топаётган сохта “диндорлар” қўлга олинди. Бу ҳақда ДХХ D.уз га хабар берди.
Маълум қилинишича, вилоят ички ишлар бошқармаси ҳамкорлигида ўтказилган тезкор тадбир давомида Наманган шаҳри, Янги Наманган тумани, Уйчи, Тўрақўрғон ва Наманган туманларида бир қатор сохта диндорлар қўлга олинган.
Жумладан, Наманган шаҳрининг Балиқчи кўчасида кўп қаватли уйларнинг бирида 15 нафар шахсга диний сабоқ бериб келган ва Маърифат маҳалласида яшовчи аёл ўз хонадонида
14 нафар вояга етмаган болаларга диний ўқиш ташкил этиб, уларнинг ҳар биридан ойига 1,5 миллион сўмдан пул олиб келган.
Янги Наманган туманида қайд этилган ҳолатда эса 1983 йилда туғилган шахс яширин “ҳужра”да 10 нафар вояга етмаган қизларга ва 3 нафар фуқарога диний таълим бериб келган.
Яна шу каби ҳолат, Уйчи, Тўрақўрғон ва Наманган туманларида ҳам кузатилган.
Ҳозирда сохта “диндорлар” ҳамда болаларни тарбиялаш мажбуриятларини бажармаган ота-оналарга нисбатан тегишли чоралар кўрилган.
