Оқ уйда ўтган музокараларда Киевнинг ҳеч қандай ҳудуддан воз кечиши ҳақида сўз ҳам бўлмаганини айтган Макрон, “Бу умуман муҳокама қилинмади. Биз бу мавзудан жуда узоқдамиз”, — дейди.
Унинг сўзларига кўра, Украина келажакда Россия билан тузиладиган ҳар қандай тинчлик келишувида ўз армиясини қисқартиришга ёки кучини чеклашга мажбур эмас.
Аксинча, Дональд Трамп ва Европа етакчилари ҳам Украинада “ҳар қандай ҳужумга қарши тура оладиган кучли армия” бўлиши шартлигини маъқуллаган.
Шунингдек, Макрон Россия президенти Владимир Путин тинчликка қадам ташламаса, санкциялар янада кучайтирилишини очиқ баён қилди:
“Агар бу жараёнга жавоб инкор бўлса, санкцияларни кескинлаштириш зарурлигини айтамиз”, дейди у.
