Украина ғарбида жойлашган Лвов шаҳри Россия томонидан дронлар ва ракеталар ёрдамида ўққа тутилди.
Вилоят ҳарбий маъмурияти раҳбари Максим Козитскийнинг маълум қилишича, ҳужум оқибатида бир киши ҳалок бўлган, икки киши яраланган. Лвов мери Андрей Садовойга кўра, Елена Степановна кўчаси атрофида ўнлаб хонадонлар зарарланган.
Шунингдек, Украина, Словакия, Венгрия ва Руминия чегарасига яқин жойлашган Мукачево шаҳрида ҳам ҳужум қайд этилган.
Маҳаллий ҳокимиятга кўра, ракета зарбаси саноат корхоналаридан бирига тўғри келган. 12 киши жароҳат олиб, шифохонага мурожаат қилган.
