Кеча, 24 август куни Исроил ҳарбий-ҳаво кучлари Яман пойтахти Сана шаҳрига авиаҳужум уюштирди.
Яман Соғлиқни сақлаш вазирлигининг расмий маълумотига кўра, ҳужум натижасида 6 киши ҳалок бўлган, 86 киши тан жароҳати олган.
Зарбалар электр станцияси ва нефть компаниясининг инфратузилмасига қаратилган. Исроил томони бу ҳужумни Ҳусийларнинг ракета ва дронлар орқали уюштирган аввалги зарбаларига жавоб сифатида изоҳлади.
Ҳусийлар вакили Муҳаммад ал-Фарраҳ эса бу ҳужумлар асосан тинч аҳолига қаратилганини билдирди.
Эслатиб ўтамиз, Ғазо секторида давом этаётган уруш туфайли Ҳусийлар Исроилга нисбатан мунтазам зарбалар йўлламоқда. Шу кунгача Ғазода 200 мингдан ортиқ одам ҳалок бўлган ёки яраланган.
