Иордания подшоҳи Абдулла II ибн ал-Ҳусайннинг Ўзбекистонга давлат ташрифи давомида қатор муҳим ҳужжатлар, жумладан, визасиз режим жорий этиш бўйича келишув имзоланди.
Бу орқали Ўзбекистон ва Иордания фуқаролари бир-бирининг мамлакатига визасиз кириб чиқиши мумкин бўлади.
Шунингдек, томонлар савдо, транспорт, қишлоқ хўжалиги, олий таълим, божхона, диний ҳамкорлик ва сармояларни ҳимоя қилиш каби соҳаларда ҳам 15 дан ортиқ ҳужжат имзолади.
Иккала мамлакат ўртасидаги ҳаво қатнови ва жиноятчиларни топшириш бўйича ҳам янги келишувларга эришилди.
