Бугун, 6 сентябрь куни Ўзбекистон Республикаси Президенти Шавкат Мирзиёев Озарбайжон Республикаси Президенти Илҳом Алиевнинг таклифига биноан амалий ташриф билан ушбу мамлакатга жўнаб кетди. Бу ҳақда давлат раҳбарининг матбуот хизмати маълум қилди.
Унда қайд этилишича, давлат раҳбари Туркий давлатлар ташкилотининг навбатдаги саммити асосий тадбирларида иштирок этади.
"Минтақавий тинчлик ва хавфсизлик" мавзусида ўтказилаётган учрашув кун тартибидан устувор соҳаларда кўп томонлама ҳамкорликни янада чуқурлаштириш масалалари ўрин олган.
Саммит якунида ташкилотдаги мамлакатлар ўртасидаги амалий ҳамкорликни янада кенгайтиришга қаратилган қатор ҳужжатлар қабул қилинади.
