Қозоғистонлик аёл Марказий Осиёдан коинотга саёҳатга чиққан илк аёл бўлади. Қозоғистон ОАВлари Карагусованинг Инстаграмъдаги саҳифасига таяниб хабар беришича, парвоз 2025 йилнинг октябрь ойида амалга оширилади.
Маълум қилинишича, парвоз Amazon асосчиси ва миллиардер Жефф Безос томонидан ишлаб чиқилган New Shepard ракетасида бўлиб, 10-12 дақиқа давом этади. Ракета коинот бошланадиган 100 километр баландликка кўтарилади.
Шунингдек, Даннага яна беш йўловчи, бизнесмен Жефф Элгин, муҳандис Клинт Келли III, сериал стартап асосчиси Аарон Нюман, украиналик тадбиркор Виталий Островский ва исми сир қолишни истаган яна бир йўловчи ҳамроҳлик қилади. Парвоз жонли эфирда намойиш этилади.
Компания чипта нархини ошкор қилмаган. Маълумки, ўринни бронь қилиш учун депозит 150 минг долларни ташкил этади, парвознинг ўзи эса 500 минг доллардан 1 миллион долларгача бўлиши мумкин.
