Илон Маск “Википедия” муқобилининг бета-версиясини эълон қилди. Бу ҳақда у ўзининг X саҳифасида ёзди.
Маълум қилинишича, “Грокипедия” икки ҳафтадан кейин ишга туширилади. Унинг таъкидлашича, янги платформа “мавжуд энциклопедиядан сезиларли даражада яхшироқ ва барча фойдаланувчилар учун чекловларсиз фойдаланилиши мумкин”.
2024 йилда Илон Маск “Википедия” асосчиларини сиёсий тарафкашликда айблаган ва уни Dickipedia деб ўзгартириш учун 1 миллиард доллар тўлашни таклиф қилган.
Унинг сўзларига кўра, анъанавий “Википедия”дан фарқли ўлароқ, “Грокипедия” “ҳақиқат энциклопедияси” – матнларни автоматик таҳлил қиладиган, фактлар тўғрилигини текширадиган ва материалларга “тўғри”, “қисман тўғри” ёки “нотўғри” деб белги қўядиган тизимга айланишни мақсад қилган.
