Пентагон АҚШ ҳарбий-денгиз кучлари учун янги қирувчи самолёт лойиҳасини маъқуллади. Бу ҳақда Reuters агентлиги манбаларга асосланиб хабар бермоқда.
Лойиҳани амалга ошириш тўғрисидаги қарорни уруш вазири Пит Хегсет 3 октябрь куни қабул қилган.
Таъкидланишича, F/A-ХХ палуба самолётини ишлаб чиқариш билан шуғулланадиган компания шу ҳафтанинг ўзидаёқ танлаб олинади. Тендерда Boeing ва Northrop Grumman корпорациялари иштирок этмоқда. Янги қирувчи самолёт 1990 йиллардан бери қўлланиб келинаётган F/A-18Е/Ф Super Hornet қирувчи самолётлари ўрнини эгаллайди.
Маълумотларга кўра, Ф/А-ХХ дастури АҚШнинг Хитой билан рақобатдаги устунликларини таъминлаш учун муҳим аҳамиятга эга бўлиб, узоқ масофага уча оладиган, кам сезилувчи ва учувчисиз учиш аппаратлари билан ҳамкорликда ишлаш имкониятига эга ҳаво кемасини яратишни назарда тутади.
Илгари лойиҳани амалга ошириш Пентагон ва Конгресс ўртасидаги молиялаштириш бўйича келишмовчиликлар туфайли кечиктирилган эди. Натижада, Конгресс йирик солиқ-бюджет чора-тадбирлари тўплами доирасида 750 миллиард доллар, шунингдек, дастурни тезлаштириш учун 2026-молиявий йилга қўшимча 1,4 миллиард доллар ажратишни маъқуллаган.
Дастлабки серияли Ф/А-ХХ самолётлари 2030 йилларда фойдаланишга топширилиши кутилмоқда. Ҳозирги F/A-18 самолётлари эса 2040 йилларгача хизматда бўлади.
