Бугунги ўртоқлик учрашуви Тошкентдаги “Олимпия” стадионида бўлиб ўтади. Каннаваро учун бу миллий жамоа бош мураббийси сифатидаги дебют ҳисобланади.
9 октябрь куни, соат 18:00 да Ўзбекистон миллий терма жамоаси Қувайтга қарши халқаро ўртоқлик ўйинини ўтказади. Учрашув Тошкентдаги “Олимпия” стадионида бўлиб ўтади.
Мазкур ўйин италиялик мутахассис Фабио Каннаваро учун Ўзбекистон миллий терма жамоаси бош мураббийи сифатидаги биринчи расмий учрашув ҳисобланади.
Эслатиб ўтамиз, Ўзбекистон терма жамоаси 13 октябрь куни Малайзияда Уругвай термасига қарши яна бир ўртоқлик учрашувини ўтказиши режалаштирилган.
