Жаҳон соғлиқни сақлаш ташкилоти баёнотида айтилганидек, ушбу сироплар Sresan Pharmaceutical, Rednex Pharmaceuticals ва Shape Pharma компаниялари томонидан ишлаб чиқарилган. Ҳар учала дори воситасида ўлимга олиб келувчи диэтиленгликол моддаси аниқланган.
Ҳиндистоннинг дори стандартларини назорат қилиш маркази (CDSCO) ЖССТга октябрь бошида хабардор қилган. Шунингдек, COLDRIF, Respifresh TR ва ReLife сиропларини қабул қилган болаларда буйрак шикастланиши кузатилгани ва камида 22 нафар бола вафот этгани маълум қилинган.
Ҳукумат дарҳол бу дори воситаларини ишлаб чиқаришни тўхтатиш ҳақида фармойиш берди. CDSCO маълумотига кўра, захарли сироплар экспорт қилинмаган ва бу борада ноқонуний ҳолатлар ҳозирча аниқланмаган.
ЖССТ барча давлатларни Ҳиндистон дори бозорини қатъий назорат қилишга ва оғиз орқали қабул қилинадиган суюқ дори воситалари хавфини синчковлик билан баҳолашга чақирди.
Эслатиб ўтамиз, аввал Ҳиндистонда ишлаб чиқарилган “Док-1 Макс” сиропи Ўзбекистонда ва бошқа мамлакатларда юзлаб болаларнинг ўлимига сабаб бўлганди. Ўша ҳолат учун масъул бўлган фармацевтика мутахассислари узоқ муддатга қамоқ жазосига ҳукм қилинган эди.
