“Реал Мадрид” ҳужумчиси Винисиус Жуниор Рио-де-Жанейрода ўтказган туғилган кун зиёфати сабаб судга тортилади. Бу ҳақда “Cadena SER” нашри хабар берди.
Маълумотларга кўра, 19–21 июль кунлари бўлиб ўтган 25 ёшлик байрамда 500 га яқин меҳмон, жумладан, Камавинга, қўшиқчи Анитта ва рэпер Трэвис Скотт қатнашган.
Байрам вақтидаги баланд мусиқа ва шовқин қўшниларни норозиликка ундаган ва улар Ҳарбий полицияга мурожаат қилган.
Полиция дастлаб овозни пасайтиришни талаб қилган, бироқ улар кетгандан сўнг шовқин яна давом этган.
Энди иш Рио-де-Жанейронинг 9-жиноят судида кўриб чиқилади. Дастлабки мажлис 6 ноябрга белгиланган.
Бразилияда жамоат тинчлигини бузиш 15 кундан 3 ойгача қамоқ ёки жарима билан жазоланади.
Эслатиб ўтамиз, аввалроқ Винисиуснинг Испаниядаги уйида ёнғин юз бергани ҳам хабар қилинган эди.
