Сурхондарё вилояти, Денов туманида 2025 йил 1 май куни бозорда 3 ёшли қизалоқни пичоқлаб ўлдирган аёл С.А. руҳий хасталар рўйхатида турган ва суд қарорига асосан мажбурий даволаниши керак эди. Аммо туман ИИБга юклатилган ушбу қарор бажарилмаган.
Масъул бўлган профилактика инспектори А.R. аёлнинг уйига бир неча марта борган, аммо у уйда бўлмагани сабаб, текширувни тўхтатган. Судда у: “Бошқа хизмат ишларим билан банд бўлиб, унутдим”, деган.
3 октябрь куни суд уни айбдор деб топиб, 3 йилга озодликни чеклаш ҳамда ИИВ тизимида ишлаш ҳуқуқидан маҳрум қилиш жазосини тайинлади.
