“Ал-Наср” ва Португалия терма жамоаси юлдузи Криштиану Роналду Пирс Морган билан суҳбатида фаолиятининг охири яқинлашаётганини айтди. 40 ёшли футболчи ўзини бу босқичга тайёр деб ҳисоблаётганини таъкидлади.
“Тез орада. Ўйлайманки, мен бунга тайёр бўламан. Албатта, бу қийин бўлади — эҳтимол, йиғлайман ҳам, лекин бу ҳаётнинг бир қисми”, — деди Роналду.
Футболни тарк этгач, Роналду оиласи ва қизиқишларига кўпроқ вақт ажратишни режалаштирмоқда. “Мен Криштиану Жуниор ва бошқа фарзандларим билан вақт ўтказаман. Шунингдек, дўстларим билан падел ўйнашни йўқотмайман”, — деди у.
Роналду шунингдек, собиқ жамоаси “Манчестер Юнайтед” ҳақида ҳам фикр билдириб, клубда ҳали ҳам жиддий ўзгаришлар зарурлигини таъкидлади: “Улар яхши йўлда эмас. Бу фақат мураббий ёки футболчиларнинг айби эмас.”
