Миллий статистика қўмитаси 2025 йилнинг илк 9 ойида тоғ-кон ва ишлаб чиқариш саноатига қанча инвестиция ўзлаштирилганини очиқлади.
Қайд этилишича, январь-сентябрь ушбу соҳаларда барча молиялаштириш манбалари ҳисобидан асосий капиталга жалб қилинган инвестициялар ҳажми 162,3 триллион сўмга етган.
Сармояларнинг асосий қисми, яъни 13,3 фоиз тўқимачилик маҳсулотлари ва кийим ишлаб чиқариш ҳамда 10,7 фоиз табиий газ қазиб олиш ҳисобига тўғри келган.
Тоғ-кон йўналишида кўрсаткичларнинг 5-йиллик динамикасида энг юқори ҳажм, 47,9 триллион сўм 2024 йил да кузатилган. Шунингдек, 2021 йилда инвестициялар ҳажми 13,8 триллион сўм бўлган, 2022 йилда эса 11,2 триллион, 2023 йилга келибгина сезиларли ўсиш кузатилган ва маблағлар 21,3 триллион сўмни ташкил қилган.
Ишлаб чиқариш саноатида эса энг юқори “нуқта” 121,2 триллион сўм билан 2025 йилда кузатилди. Ўтган йилда ўзлаштирилган сармоялар 100,7 триллион сўм бўлган.
