Ўзгаришлар дастур мазмунига эмас, балки ташкилий жараёнларга тегишли.
DV-2027 натижаларини рўйхатдан ўтказиш ва эълон қилишнинг бошланиш саналари тез орада маълум қилинади. Виза топшириш муддати эса ўзгаришсиз қолади — 2026 йил 1 октябрдан 2027 йил 30 сентябргача.
Шунингдек, 2025 йил 16 сентябрдан бошлаб лотереяда қатнашиш учун ҳар бир иштирокчи 1 доллар тўлов амалга оширади. Бу чора сохта аризалар ва фирибгарлик ҳолатларини камайтиришга қаратилган.
2025 йилда Ўзбекистон 5,5 минг ғолиб билан Green Card лотереясининг энг юқори натижасини қайд этган. Кейинги ўринларда Қирғизистон, Тожикистон ва Қозоғистон жойлашган.
Green Card — чет эл фуқароларига АҚШда доимий яшаш ва ишлаш ҳуқуқини берувчи расмий ҳужжат ҳисобланади.
