Индонезия пойтахти Жакартада жума намози пайтида мактаб комплекси ҳудудидаги масжидда портлаш содир бўлди. Бу ҳақда “Reuters” агентлиги маҳаллий полицияга таяниб хабар берди.
Портлаш натижасида 54 киши жароҳат олган, уларнинг жароҳатлари енгилдан оғиргача бўлиб, айримлар куйиш ҳолати билан шифохонага ётқизилган.
Шаҳар полицияси бошлиғи Асеп Эди Сухери портлаш сабаби ҳозирда текширилаётганини маълум қилди.
“KompasTV” ва “MetroTV” телеканаллари ҳаводан олинган кадрларда полиция чегаралари ва ёрдам машиналари жойлашганини кўрсатди. Масжидда катта вайронгарлик кузатилмаган.
