Олимлар пандемия даврида mRNK вакцинасини олган ва олмаган саратон беморларининг натижаларини солиштириб, кутилмаган хулосага келди. Тадқиқотга кўра, Pfizer ёки Moderna вакцинасини иммунотерапиядан 100 кун олдин олган беморлар — бундай вакцина олмаганларга нисбатан икки баравар кўпроқ яшаган. Вакцина тури фарқ қилмаган.
Тадқиқотда ривожланган ўпка ва меланома ташхиси қўйилган мингдан ортиқ беморнинг маълумотлари ўрганилган. Уларга саратонга қарши кенг қўлланадиган “чеcкпоинт ингибиторлари” қўлланган.
Мутахассислар бу натижалар энди янада йирик клиник синовларда тасдиқланиши зарурлигини айтмоқда. Уларни бир қатор саволлар қизиқтирмоқда: вакцина қачон берилганда самараси энг юқори бўлади? Қайси турдаги саратонларда бу таъсир такрорланади? Ва агар mRNK бевосита иммунитетни фаоллаштирувчи оқсилни кодласа, натижа кучаядими?
Кенг тарқалганлиги, арзонлиги ва дорихоналарда мавжудлиги сабабли mRNK вакциналари келажакда саратонга қарши муҳим воситага айланиши эҳтимоли бор.
