Бугун, 10 декабрь куни март ойида етказиб бериладиган кумуш фьючерслари Comex савдоларида 1,94 фоизга қимматлаб, унцияси 62,02 долларга етди.
Bloomberg ёзишича, кеча кумуш нархи тарихда биринчи бор 60 доллардан ошиб, бозорда талабнинг кескин кўтарилаётганини кўрсатди.
Мутахассислар буни глобал таклиф етишмовчилиги, АҚШнинг янги бож сиёсати, геосиёсий ноаниқлик ва Федерал резервнинг фоиз ставкаларини пасайтириши мумкинлиги билан боғламоқда. Йил бошидан бери кумуш нархи икки баравардан кўпроққа ошган — олтин эса 60 фоизга қимматлаган.
Таҳлилчиларга кўра, қазиб олиш ҳажми ошиши кутилаётган бўлса-да, кумуш бозори 2025 йилда ҳам кетма-кет бешинчи йил танқисликда қолиши мумкин.
Баъзи экспертлар ҳатто нархнинг унция учун 100 долларга етиши эҳтимолини ҳам истисно қилмаяпти.
