АсосийЖамият

Талабалар учун маҳаллий рейсларга 50 фоизгача чегирма жорий қилинди

Авиакомпания давлат таълим муассасаларида ўқиётган талабаларга 26 декабрь – 11 январь кунлари амалга ошириладиган парвозлар учун эконом-класс чипталарига катта чегирма таклиф қилди.

'Талабалар учун маҳаллий рейсларга 50 фоизгача чегирма жорий қилинди'ning rasmi

“Uzbekistan Airways” ўрта махсус, касб-ҳунар ва олий таълим муассасаларида таълим олаётган талабалар ҳамда ўқувчилар учун барча маҳаллий йўналишларда эконом-класс чипталарига 50 фоизгача чегирма эълон қилди.

Компания маълумотига кўра, чегирма давлат таълим муассасасида ўқишни тасдиқловчи ҳужжат асосида берилади. Бундай маълумотномани қуйидаги тарзда олиш мумкин:

— ЙИДХП орқали онлайн;

— таълим муассасасининг ўзида;

"Ўзбекистон Республикаси Рақамли ҳукумат лойиҳаларини бошқариш маркази"нинг электрон тасдиқномаси орқали.

Чегирма билан сотиб олинган авиачипталар 26 декабрдан 11 январгача амалга ошириладиган парвозларда амал қилиб, талабаларга қишки таътил даврида қулай сафар имконини яратади.

    Бошқа янгиликлар