Оқ уй АҚШ президенти Доналд Трумпнинг Minecraft ўйинидаги қаҳрамон сифатида тасвирланган суратини эълон қилди. Расм Х ижтимоий тармоғидаги расмий саҳифада жойлаштирилиб, унга “Американинг энг про-геймер Президенти!” деган изоҳ қўшилган.
Пост АҚШда рақамли технологиялар бўйича тадқиқот ва ишланмалар учун берилган солиқ имтиёзлари видеоўйинлар ишлаб чиқариш саноатида ўсиш қайд этаётгани ҳақидаги хабарга жавобан эълон қилинган.
Minecraft — куб шаклидаги блоклардан тузилган, очиқ дунёни ўрганиш ва қуришга асосланган машҳур “сандбох” ўйини бўлиб, унда фойдаланувчилар қуриш, изланиш, жанг қилиш ва омон қолиш каби жараёнларни бошдан кечиради. Ўйин таълим соҳасида ҳам кенг қўлланади.
